یەکێتیی ئەوروپا هاوکاریی لوبنان دەکات

ئاڤا نیوز

 

یەکێتیی ئەوروپا بڕی یەک ملیار دۆلار هاوکاری بۆ لوبنان تەرخان دەکات، تاوەکو بەزۆر ناردنەوەی کۆچبەرانی سووریا دوابخات و  باشتر سنوورەکانی بپارێزێت.

 

لێدوانی فەرمی: ئورسولا ڤۆن دێر لاین، سەرۆکی کۆمیسیۆنی یەکێتیی ئەوروپا، ڕایگەیاند "دەتوانم پاکێجێکی دارایی بە بڕی یەک ملیار دۆلار بۆ لوبنان ڕابگەیێنم، لەمساڵەوە تا 2027 بەردەست دەبێت، ئێمە دەمانەوێت لە سەقامگیریی کۆمەڵایەتی و ئابووریی لوبناندا بەشدار بین". 

 

زانیاریی زیاتر: بڕیارە هاوکارییە داراییەکان لە بوارەکانی پەروەردە و تەندرووستیی لوبناندا خەرج بکرێت، هەروەها ئەوروپا لە چەکدارکردن و ڕاهێنانی سوپای لوبنان بۆ پاراستنی سنوورەکانی هاوکار دەبێت. 

 

لەلایەکی دیکەوە: یەکێتیی ئەوروپا لەگەڵ وڵاتانی میسر، تونس، مۆریتانیا و چەند وڵاتێکی دیکە ڕێککەوتووە تا لە کەمکردنەوەی شەپۆلی کۆچبەرانی نایاسایی بۆ ئەوروپا هاوکار بن.