ئیسرائیل ناوچەیەکی نزیک دیمەشق بۆردوومان دەکات

ئاڤا نیوز

 

سوپای ئیسرائیل هێرشی کردە سەر باڵەخانەیەکی حکومیی نزیک دیمەشق کە بە گوتەی ڕێکخراوی چاودێریی مافەکانی مرۆڤی سووریا دە ساڵە ئەم باڵەخانەیە لەلایەن حیزبوڵای لوبنانییەوە بەکار دەهێنرێت. 

 

وێنە گەورەکە: لە حەوتی ئۆکتۆبەرەوە شەڕی نێوان ئیسرائیل و حەماس دەستیپێکردووە، ئیسرائیل هێرشەکانی بۆ سەر سووریا زیاتر کردوون.

 

لێدوانی فەرمی: وەزارەتی بەرگریی سووریا ڕایگەیاند، "ئیسرائیلی دوژمن لە جۆلانی سووریای داگیرکراوەوە هێرشیان ئەنجام دا و پێگەیەکیان لە نزیک دیمەشق کردە ئامانج؛ بە هۆیەوە هەشت سەرباز بریندار بوون". 

 

ئەوەی پێویستە بیزانیت: لە ساڵی 2011ـەوە کە شەڕی ناوخۆ لە سووریا هەڵگیرسا، ئیسرائیل سەدان هێرشی کردووەتە سەر سووریا و بە زۆری پێگەکانی سوپای سووریا و چەکدارانی سەر بە ئێران دەکاتە ئامانج.