ئیسرائیل باشووری لوبنان بۆردوومان دەكات

ئاڤا نیوز

کەمێک پێش ئێستا ئیسرائیل ناوچەیەکی لە باشووری لوبنان بۆردوومان کرد، بەپێی زانیارییە سەرەتاییەکان زیانی گیانیشی هەبووە.

ئەوەی پێویستە بیزانیت: هێرشەکە لە ناوچەیەک بووە لە شارۆچکەی کفر کیلە لە کەرتی ڕۆهەڵاتی باشووری لوبنان و بە فڕۆکەی بێفڕۆکەوان ئەنجام دراوە.

ئەوەی لە بارەیەوە دەگوترێت: میدیاکانی لوبنان و ئیسرائیل دەڵێن، هێرشەکە زیانی گیانی و ماددی هەبووە، دەنگی سێ مووشەک بیستراوە کە بە درۆن ئاڕاستەکراون.

وێنە گەورەکە: ئیسرائیل هەڕەشەی داگیرکردنی باشووری لوبنان دەکات، ئەگەر حیزبوڵا ناوچەکە جێنەهێڵێت و چۆڵی نەکات.

ئەوەی ئێستا ڕوودەدات: ئەمریکا و بەریتانیا و فەڕەنسا، لە هەوڵی جددیدان بۆ ئەوەی ئاڵۆزییەکانی باشووری لوبنان پەرە نەسەنن و گەورەتر نەبن.