حووسییەكان: لە دەریای ناوەڕاست ئیسرائيل دەكەینە ئامانج

ئاڤا نیوز

حوسییەکانی یەمەن دەڵێن "ئەو کەشتیانە دەکەنە ئامانج کە بەرەو بەندەرەکانی ئیسرائیل دەڕۆن لە هەر ناوچەیەک کە بتوانن پێی بگەن، تەنانەت لە دەریای ناوەڕاستیش".

وێنە گەورەکە: لەسەرەتای هەڵگیرسانی شەڕ لە نێوان بزوتنەوەی حەماس و ئیسڕائیل، حووسیەکانی یەمەن وەک پشتیوانییەک بۆ بزوتنەوەکە، هێرشی درۆنی و مووشەکی دەکەنە سەر هەرکەشتییەک کە لە دەریای سوورەوە هاتووچۆ دەکات، بەتایبەتی کەشتییەکانی ئەمریکا و بەریتانیا.

ڕاگەیێنراوی فەرمی: بزووتنەوەی حووسییەکان ڕایگەیاند: "هێرشەکانمان چڕدەکەینەوە بۆ سەر ئەو کەشتیانەی ڕوو لە ئیسرائیل دەکەن، نەک تەنیا لە دەریای سوور بەڵکو لە دەریای ناوەڕاستیش هێرشدەکەین".

بابەتە ستراتیژییەکە: بەهۆی هێرشی حووسییەکانەوە لە دەریایی سوور، گەشەی ئابووری لە ناوچەکەدا سست بووە، ئەگەر لە دەریای ناوەڕاست هێرش بکرێتە سەر کەشتییەکان ڕێڕەوە بازرگانییەکان گرفتی گەورەیان بۆ دروست دەبێت.