حەماس مەرجی نوێی بۆ ئاگربەست هەیە

ئاڤا نیوز

حكومەتی ئیسرائیل و بزووتنەوەی حەماس لە گفتوگۆدان بۆ ئاگربەست، حەماس مەرجی نوێی هەیە و ئەمریكا و ئەورپاش فشاریان لێدەكەن ئاگربەست ڕابگەیێنن.

وێنە گەورەكە: مەرجی سەرەكی ئیسڕائیل بۆ ڕێككەوتن و ئاگربەست ئازادكردنی دیلە جووەكانە و حەماسیش ژمارەیەك مەرجی نوێی هەیە.

لێدوانی فەرمی:سەرکردەیەکی بزووتنەوەی حەماس ڕاگەیاند: ڕێککەوتنەکە دەبێت گەڕانەوەی ئاوارەکان و ڕێککەوتنێکی ڕاستەقینەی ئاڵوگۆڕی زیندانییەکان لەگەڵ ئاوەدانکردنەوە و کۆتاییهێنان بە گەمارۆدان لەخۆبگرێت.

بۆچونی لایەنی بەرەمبەر: حكومەتی ئیسرائیل ڕایگەیاند: هیچ مەرجێكی پێشوەختە جێبەجێ ناكەین ئەگەر دیلە جووەكان ئازاد نەكرێن.

كاریگەری و لێكەوتەكان: ئەگەر شەڕ و پێكدادانەكان لە نێوان ئیسرائیل و حەماسدا بوەستێت، كاریگەری گەورەی لەسەر هەڵبژاردنەكانی ئەمریكا و ئیسرائیل دەبێت.