ئیسرائیل كوژرانی گەورە بەرپرسێكی سەربازی حەماسی ڕاگەیاند

ئاڤا نیوز

سوپای ئیسڕائیل، کوژرانی گەورە بەرپرسێکی سەربازی حەماسی لە ئۆپەراسیۆنێکدا لە غەززە ڕاگەیاند، تائێستا حەماس کوژرانی ئەو بەرپرسەی پشتڕاست نەکردووەتەوە.

وێنە گەورەکە: ئیسرائیل لە ڕێگەی ئۆپەراسیۆنی سەربازییەوە دەیەوێت ئەو بەرپرسانەی حەماس بکاتە ئامانج کە بەشێک بوون لە پلانی هێرشکردنە سەر ئیسرائیل لە حەوتی ئۆکتۆبەری ساڵی ڕابردوودا.

لێدوانی فەرمی: ئەفیغای ئەدرەعی، گوتەبێژی سوپای ئیسڕائیل ڕایگەیاند:"ئەیمەن زەعرەب، یەکێک لە گەورە بەرپرسکانی گرووپی چەکداری حەماس و یەکێک لە بەرپرسەکانی هێرشەکانی حەوتی ئۆکتۆبەرمان لە ئۆپراسیۆنێکی تایبەتدا کوشت".

ئەوەی پێویستە بیزانیت: ئۆپەراسیۆنەکەی ئیسڕائیل لە کەرتی غەززە، بە سەرۆکایەتی دەستەی هەواڵگری سەربازی و دەزگای گشتی ئاسایشی شین بووە و بە فڕۆکەی جەنگی کراوە.

بۆچوونی لایەنی بەرامبەر: تا ئێستا حەماس کوژرانی ئەو بەرپرسەی پشتڕاستنەکردووەتەوە، بەڵام سوپای ئیسڕائیل ڤیدیۆی ساتی کوشتنەکەی بڵاوکردووەتەوە.

 

وێنەی ئەو بەرپرسەی ‌حەماس کە ئیسرائیل کوژرانی ڕاگەیاندووە