عێراقییەکان لە پێشەنگی سەردانیکەرانن بۆ تورکیا

ئاڤا نیوز

لە مانگی شوباتی ڕابردوودا گەشتیارانی عێراقی، لە پێشەنگی سەردانیکەرانی وڵاتانی عەرەبی بوون بۆ وڵاتی تورکیا.

ڕاگەیێنراوی فەرمی: وەزارەتی ڕۆشنبیری و گەشتوگوزاری تورکیا ڕایگەیاند: لە مانگی شوباتی ڕابردوو 51 هەزار و 180 گەشتیاری عێراقی سەردانی تورکیایان کردووە.

زانیاریی زیاتر: دوای عێراق هاووڵاتیانی لوبنانی دێن بە 13 هەزار و 843 گەشتیار و وڵاتی سعوودیە لە ڕیزبەندی سێیەم دێت بە 11 هەزار و 764 گەشتیار.

ئەوەی پێویستە بیزانیت: ڕێژەی گەشتیارانی عێراقی بۆ وڵاتی تورکیا کەمیکردووەتەوە بە بەراورد بە هەمان مانگی ساڵی ڕابردوو کە 79 هەزار و 18 گەشتیار بوون.