پێشنیازی دابەشکردنی پۆستی پارێزگاری کەرکووک دەخرێتە بەردەم سوودانی

ئاڤا نیوز

 

سەرکردەیەک لە هاوپەیمانیی عەرەبی ئاماژە بەوەدەدات، پێشنیازی وەرگرتنی پۆستی پارێزگاری کەرکووک لە نێوان کورد و عەرەب لەلایەن زۆرینەی لایەنەکان قبوڵکراوە.

 

وێنە گەورەکە: نزیکەی شەش مانگ بەسەر هەڵبژاردنی ئەنجوومەنی پارێزگاکانی عێراق تێپەڕ دەبێت، تەنیا لە کەرکووک حکومەتی خۆجێی پێکنەهێنراوە و بەمنزیکانە کۆبوونەوەی سێیەمی لایەنەکان بەسەرپەرشتی سوودانی دەکرێت.

 

لێدوانی فەرمی: ئیسماعیل حەدیدی، سەرکردە لە هاوپەیمانی عەرەبی بە ئاڤا نیوزی گوت، پرۆژەی دوو ساڵ پارێزگار بۆ کورد و دوو ساڵ بۆ عەرەب، ڕەزامەندی زۆرترین لایەنەکانی پارێزگاکەی لەسەرە و "وەک پاکیجێک لە کۆبوونەوەی سێیەم لەگەڵ سوودانی پێشنیاز دەکرێت".

 

ئەوەی پێویستە بیزانیت: بەگوێرەی ئەنجامی هەڵبژاردنی ئەنجوومەنی پارێزگای کەرکوک، کورد 7 کورسی، عەرەب 6 کورسی، تورکمان 2 کورسی و بزووتنەوەی بابلیۆنیش کورسییەکی لەکۆی 16 کورسیەکەی ئەنجوومەنی پارێزگای کەرکووک بەدەستهێناوە.