بەشێکی بازاڕی قەیسەریی هەولێر دەکرێتەوە

ئاڤا نیوز

 

دوای سووتانی بەشێکی بازاڕەکە، کۆبوونەوەیەکی پەیوەست بە بازاڕی قەیسەریی هەولێر دەکرێت و بەشێکی بازاڕەکە دەکرێتەوە.

 

وێنە گەورەکە: لە دیوانی پارێزگای هەولێر، کۆبوونەوەیەک لەسەر ئاگرەکەی بازاڕی قەیسەریی هەولێر دەکرێت و میکانیزمی نۆژەنکردنەوەی بازاڕەکە دەخرێتەڕوو.

 

لێدوانی فەرمی: ئومێد خۆشناو، پارێزگاری هەولێر ڕایگەیاند، "بەشێکی بازاڕەکە دەکرێتەوە، بۆ ئەوەی ژیان لە بازاڕەکە ئاسایی ببێتەوە و لەوە زیاتر کاسبکاران زیانیان بەرنەکەوێت". 

 

زانیاریی زیاتر: بە بڕیاری سەرۆکوەزیران بارزانی بازاڕەکە نۆژەن دەکرێتەوە، ئەمەش بە چەند قۆناغێک دەبێت و ئەمڕۆ بڕیار لەسەر میکانیزمەکەی دەدرێت. 

 

چیرۆکی سەرەکی: شەوی یەکشەممە ئاگرێکی گەورە لە بازاڕی قەیسەریی هەولێر کەوتەوە، بەو هۆیەوە زیاتر لە 300 دووکان لە بازاڕی قەیسەری سووتاون و زیانیان پێگەیشت.