بەشێک لە ئێسکەپەیکەری ژنەکەی شانەدەر لە ئەشکەوتەکەدا ماوەتەوە

ئاڤا نیوز

 

تیمی سەرپەرشتیاری شانەدەر لە لێکۆڵینەوە بەردەوامن لەسەر کەللە سەری شانەدەر زێد.

 

چیرۆکی سەرەکی: تیمی سەرپەرشتیاری شانەدەر زێد، ئاماژەیان بەوە داوە بەشێک لە ئێسکەپەیکەری 'شانەدەر زێد' هێشتا لە ناو ئەشکەوتەکە ماوە و ئێستا سەرقاڵی لێکۆڵینەوەن لەسەری.

 

زانیاریی بەدەستهاتوو: بڕیارە لە نزیکترین کاتدا کۆنفڕانسێک لەبەردەم ئەشکەوتی شانەدەر و بە بەشداری حکومەتی هەرێمی کوردستان ئەنجام بدرێت. بڕیار وایە لە کۆنفڕانسەکەدا باس لەو لێکۆڵینەوانە بکرێت کە پێی گەیشتوون و بە شێوەیەکی فەرمی ئەنجامی لێکۆڵینەوەکەش ئاشکرا بکرێت.

 

لێدوانی فەرمی: شێرزاد حەسەن حوسێن فەرمانبەر لە شوێنەواری مێرگەسۆر بە ئاڤا نیوزی گوت: من شەش ساڵە لەگەڵ ئەم تیمە خەریکی لێکۆڵینەوەم لەو بارەیەوە. لە کابینەی نۆیەمی حکومەتی هەرێمی کوردستان چەندین تیم بانگهێشت کراون بۆ لێکۆڵینەوەی زیاتر و بڕیارە لە کۆنفڕانسەکەدا شتی زیاتر باس بکرێت لەبارەی ئێسکەپەیکەرە.