بانكی TBIبۆ فۆڕمی تۆماركردنی مووچەخۆران لە هەژماری من زیادكرا

ئاڤا نیوز 

 

حکومەتی هەرێمی کوردستان لەگەڵ بانکی عێراقی بۆ بازرگانی (TBI) ڕێککەوتووە، بۆ ئەوەی لە پرۆسەی بەبانکیکردنی مووچەی مووچەخۆرانی هەرێمی کوردستان بەشداربێت.

 

بۆچی گرنگە: دوای بەشداریکردنی بانکی عێراقی بۆ بازرگانی (TBI) لە پرۆژەی هەژماری من، کۆتایی بەو بەربەستانە دێت کە لەبەردەم خودی پڕۆژەکە و ناردنی مووچەی مووچەخۆرانی هەرێمی کوردستان لە لایەن بەغداوە هەبوو.

 

وێنە گەورەکە: ئەنجوومەنی وەزیرانی هەرێمی کوردستان لە کۆبوونەوەی ئەمڕۆی پشتیوانی لە بەشداریکردنی بانکی عێراقی بۆ بازرگانی (TBI) لە پرۆسەی بەبانکیکردنی مووچەی مووچەخۆرانی هەرێمی کوردستان و لە چوارچێوەی 'هەژماری من' کرد.

 

لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان بە ئاڤا نیوزی ڕاگەیاند: "ئەو داوایەی لەلایەن دادگای فیدراڵییەوە هەبوو بۆ ئەوەی بانکێکی حکومی عێراقی دەست بە تەوتین بکات لە هەرێمی کوردستان، ئێستا ئەو بەربەستەش نەماوە".

 

زانیاریی زیاتر: پێشەوا هەورامانی دەڵێت: ئێستا بانکی (TBI) هاتووەتە ناو پرۆسەی 'هەژماری من' تاوەکو کاتژمێر چواری ئەمڕۆ 16 کەس داوای فۆرمی (TBI) یان کردووە لە ڕێگەی هەژماری منەوە.