لە پڕۆژەی هەژماری من نزیكەی 100 فەرمانبەر بانكی TBI هەڵدەبژێرن

ئاڤا نیوز 

دوای دوو ڕۆژ لە بڕیاری بانکی عێراقی بۆ بازرگانی(TBI) لە بەشداریکردن لە پڕۆژەی 'هەژماری من' تا ئێستا نزیكەی 100 فەرمانبەر ناوی خۆیان تۆمار کردووە.

وێنە گەورەكە: ڕۆژی چوارشەممەی ڕابردوو بانکی عێراقی بۆ بازرگانی بڕیاری دا بەشداریی 'پڕۆژەی هەژماری من' بکات، دواتر حكومەتی هەرێمی كوردستان لیستی ناوی فەرمانبەرانی بۆ نارد و ئێستا مووچەخۆران دەتوانن ناوی خۆیان لە چوارچێوەی پڕۆژەی هەژماری من لەو بانکەدا تۆمار بکەن.

لێدوانی فەرمی: عەزیز ئەحمەد، سەرپەرشتیاری هەژماری من ڕایگەیاند: "تا ئێستا 96 مووچەخۆر بانکی (TBI)یان هەڵبژاردووە و پێشبینی دەکەین هەفتەی ئایندە ژمارەکە زۆر زیاتر بێت".

ئەوەی پێویستە بیزانیت: بە بانکی (TBI)ـەوە شەش بانکی دیکەی عێراقی بەشدارییان لە پڕۆژەی 'هەژماری من'ـدا کردووە.