ئەمیری كوەیت پەرلەمانی هەڵوەشاندەوە

ئاڤا نیوز

ئەمیری کوەیت بە بڕیارێک هەڵوەشاندنەوەی پەرلەمان و هەڵپەساردنی چەند ماددەیەکی دەستووری بۆ ماوەیەک کە لە چوار ساڵ زیاتر نەبێت، ڕاگەیاند. 

وێنە گەورەکە:دوای بەڕێوەچوونی هەڵبژاردنە پەرلەمانییەکەی کوەیت لە 4-4-2024، ئەو وڵاتە کەوتووەتە ناو قەیرانێکی سیاسییەوە و کێشە و ناکۆکییەکانی نێوان پەرلەمانی هەڵبژێردراوی خەڵک و حکومەتی دانراوی ئەمیر زیاتر بوون. 

لێدوانی فەرمی: شێخ مەشعەل ئەحمەد جابر سەباح، ئەمیری کوەیت، ڕایگەیاند "هیچ ڕێگایەکی دیکە لە بەردەممان نەبوو جگە لە دەرکردنی ئەم بڕیارە سەختە بۆ ڕزگارکردنی وڵات. کەس لە سەروو یاساوە نییە و ڕێگە بە هیچ کەسێک نادەین دیموکراسی بۆ وێرانکردنی دەوڵەت بقۆزێتەوە."

ئەوەی پێویستە بیزانیت: لە کانوونی یەکەمی 2020ـەوە تا نیسانی 2024، چوارجار هەڵبژاردنی پەرلەمانی لە کوەیت بەڕێوە چووە.