عێراق 29 پڕۆژە لە بواری نەوت و غاز جێبەجێ دەكات

ئاڤا نیوز

وەزارەتی نەوتی عێراق ڕایگەیاند 29 پڕۆژە لە 12 پارێزگای عێراق لە بواری نەوت و غاز جێبەجێ دەكات.

ئەوەی پێویستە بیزانیت: بە گوتەی وەزارەتی نەوتی عێراق, پڕۆژەكان بۆ دروستكردنی كێڵگەی نوێی نەوت و غازە.

لێدوانی فەرمی: محەممەد شیاع سودانی سەرۆکوەزیرانی عێراق لە کۆنفڕانسی نەوت کە لە بەغدا بەڕێوەچوو, ڕایگەیاند: ئێستا عێراق پێگەیەکی قورسی لە هاوکێشەی وزەی جیهانیدا هەیە، بۆیە ئامانجمانە داهاتی نەوت بخەینە خزمەت کەرتەکانی دیکەش. 

زانیاریی زیاتر: بە گوتەی سوودانی، "بەهەدەردان و سووتانی غاز لە نێوان سێ بۆ پێنج ساڵی ئایندە دەوەستێنرێت".

گۆشەیەكی دیكە: وەزارەتی نەوتی عێراق بڕیاریدا قەبارەی نەوتی یەدەگ لە 145 ملیار بۆ 160 ملیار بەرمیل بەرزبکاتەوە و لەماوەی 10 ساڵدا، 40%ی بەرهەمهێنانی نەوت بە پیشەسازی بکات و سەکۆی غاز لە بەنداوی فاو جێگیر بکات.