هاوردەکردنی گەنم لە خاڵەسنوورییەکانی هەرێمی کوردستان قەدەغە دەکرێت

ئاڤا نیوز

 

بەڕێوەبەری گشتیی بازرگانیی هەرێمی کوردستان ڕایدەگەیێنێت، بۆ ئەوەی گەنمی جووتیاران ساغ ببێتەوە، هاوردەکردنی گەنم لە سنوورەکانی هەرێمی کوردستان قەدەغە دەکرێت.

 

وێنە گەورەکە: لە بەشێکی پارێزگاکانی عێراق پڕۆسەی وەرگرتنی گەنمی جووتیاران دەستی پێ کردووە، لەگەڵ وەرگرتنی بەرهەمەکە ڕاستەوخۆ جووتیاران پارەکەی وەردەگرن.

 

لێدوانی فەرمی: نەوزاد شێخ کامیل، بەڕێوەبەری گشتیی بازرگانیی هەرێمی کوردستان بە ئاڤا نیوزی گوت: "لەبەر ئەوەی ئەمساڵ گەنمی جووتیارانی ناوخۆ زۆرە، بۆ ساخکردنەوەی بەرهەمەکانیان، هاوردەکردنی گەنم لە خاڵەسنوورییەکانی هەرێمی کوردستان قەدەغە کرا".

 

ئەوەی پێویستە بیزانیت: بڕیارە ڕۆژی 01-06-2024 دەست بە وەرگرتنی گەنمی جووتیارانی هەرێمی کوردستان بکرێت، بەڵام تاوەکو ئێستا بڕەکە دیاری نەکراوە.