باڵیۆزی بەریتانیا: هێرشەکەی سەڵاحەددین ئاماژەیە بۆ ئەوەی هێشتا داعش لە عێراق مەترسییە

ئاڤا نیوز

 

دوای هێرشەکەی شەوی ڕابردووی گرووپی تیرۆریستیی داعش لە پارێزگای سەڵاحەدین، باڵیۆزی بەریتانیا لە عێراق دەڵێت، هێرشەکە پێشکەوتنی عێراق ڕاناگرێت، بەڵام ئاماژەیە کە مەترسیی داعش هێشتا هەیە.

 

وێنە گەورەکە: ئێوارەی دوێنێ دووشەممە، داعش هێرشی کردە سەر فەوجی دووی لیوای پیادە لە نێوان هەردوو پارێزگای دیالە و سەڵاحەدین، بەو هۆیەوە پێنج سەرباز کوژران کە یەکێکیان فەرماندەی فەوجەکە بوو، لە هێرشەکەدا پێنجی سەربازی دیکەش برینداربوون.

 

لێدوانی فەرمی: ستیڤن هیچن، باڵیۆزی بەریتانیا لە عێراق، لە تۆڕی کۆمەڵایەتی ئێکس نوسیوویەتی: ڕۆژ بە ڕۆژ بناغەی سەقامگیری لە عێراق بەهێزتر دەبێت، هێرشەکەی داعشیش لە سەڵاحەدین پێشکەوتنەکە ڕاناگرێت، بەڵام وەک بیرخستنەوە مەترسییەکە هێشتا بوونی هەیە.

 

ئەوەی لە بارەیەوە دەگوترێت: چاودێران قسەکەی باڵیۆزی بەریتانیا وەک هەوڵێک بۆ چاوپۆشیکردن لە هەوڵەکانی عێراق بۆ کۆتاییهێنان بە کارەکانی هاوپەیمانیی نێودەوڵەتی لە عێراق لێکدەدەنەوە.