وەزارەتی دارایی عێراق مووچەی مانگی چواری ڕەوانە کرد

ئاڤا نیوز

 

وەزارەتی دارایی عێراقی ڕایگەیاند، مووچەی مانگی نیسانی مووچەخۆرانی هەرێمی کوردستانی ڕەوانە کرد.

 

ڕاگەیێنراوی فەرمی: فەرمانگەی ژمێریاریی وەزارەتی دارایی عێراق ڕایگەیاند، لەسەر ڕاسپاردەی سەرۆک وەزیرانی عێراق و وەزیری دارایی، بڕیاردرا بە ڕەوانەکردنی مووچەی فەرمانبەرانی هەرێمی کوردستان لە فەرمانبەرانی مەدەنی، چاودێریی کۆمەڵایەتی، خانەنشینانی سەربازی، مەدەنی، گرێبەستەکان، کەسوکاری شەهیدان و ئەنفالکراوان.

 

زانیاریی زیاتر: ئەحمەد خالید، بەڕێوەبەری بانکە بازرگانییەکانی هەرێمی کوردستان بە ئاڤا نیوزی گوت، مووچەی مانگی چوار بە دوو گوژمە دێت، گوژمەی یەکەم بەبێ مووچەی پێشمەرگە، هێزە ئەمنییەکان و سێ سەرۆکایەتییەکەی هەرێمی کوردستان ڕەوانە کراوە.