پلانێکی حەماس بۆ دروستکردنی بنکەیەکی سەربازی لە تورکیا ئاشکرا دەکرێت

ئاڤا نیوز 

 

پەڕەیەکی چاپکراو بە ناونیشانی "دامەزراندنی بنکەیەکی سەربازی لە تورکیا" کە لە ماڵی یاریدەدەری یەحیا سنوار، سەرۆکی حەماس لە غەززە دۆزراوەتەوە، نهێنییەکی گەورە ئاشکرا دەکات.

 

بۆچی گرنگە؟ بڵاوبوونەوەی ئەم هەواڵە لەلایەن سوپای ئیسرائیلەوە لەکاتێکدایە کە دوێنێ ئەردۆغان، سەرۆککۆماری تورکیا جارێکی دیکە پشتیوانی خۆی بۆ حەماس ڕاگەیاند.

 

وێنە گەورەکە: بەپێی هەواڵێکی نیویۆڕک تایمز، سوپای ئیسرائیل دەستی بەسەر چەند فایلێکدا گرتووە، ئەوە ئاشکرا دەکات کە حەماس بە نیازە بنکەیەکی نهێنی لە تورکیا دابمەزرێنێت بۆ هەماهەنگی هێرشەکانی دژی ئیسرائیل لە وڵاتانی دراوسێ، لەنێویاندا وڵاتانی ناتۆ.

 

بابەتە ستراتیژییەکە: بەڵگەنامەکە پلانێکی 3 ساڵەی داناوە بە ئامانجی دامەزراندنی ژمارەیەکی زۆر لە شانە سەربازییەکان و خانووی سەلامەت لە چەند وڵاتێکدا، دواتر مەشق و ڕاهێنانی شانە سەربازییەکان و پلاندانانی پراکتیکی بۆ هێرشکردن.