مانگی تەمووزی ئەمساڵ کۆنگرەی ئاکپارتی بەڕێوە دەچێت و گۆڕانکاریی گەورە بەڕێوەیە

ئاڤا نیوز 

 

بڕیارە مانگی تەمووزی ئەمساڵ، کۆنگرەی ئاکپارتی بەڕێوە بچێت و پەرلەمانتارێکی پارتەکە ڕایدەگەیێنێت، کۆنگرەکە بۆ لێپرسینەوە و گۆڕانکاریی ناوخۆیی پارتەکەیانە.

 

وێنە گەورەکە: دوای هەڵبژاردنەکانی 31ـی ئادار و کەمبوونەوەی ژمارەی دەنگەکانی ئاکپارتی، ئەردۆغان باسی لە گۆڕانکاریی پارتەکە و لێپرسینەوەی لە کەمتەرخەمییەکانی کاربەدەستانی حکومەت کرد. 

 

لێدوانی فەرمی: فاروق کڵچ، پەرلەمانتاری ئاکپارتی بە ئاڤا نیوزی گوت: "ئەمساڵ کۆنگرەی ئاسایی ئاکپارتی لە نێوان مانگی (10-7) بەڕێوە دەچێت، لەم کۆنگرەیە گۆڕانکاریی گەورە لە ناوخۆی پارتەکە دەکرێت".

 

ئەوەی پێویستە بیزانیت: ئەو پەرلەمانتارە ئەوەشی گوت، کۆنگرەی ساڵی ڕابردوو، تەنیا کۆنگرەیەکی سەرپێی بووە و "ئەمساڵ دووبارەی دەکەینەوە، دەمانەوێت گۆڕانکاری بکەین".