عێراق زیاتر لە 600 ملیۆن دۆلاری چین قەرزارە

ئاڤا نیوز  

بەپێی ڕاپۆرتێکی بانکی نێودەوڵەتی کە لە مانگی نیسان بڵاو کراوەتەوە، عێراق زیاتر لە 600ملیۆن دۆلاری دەوڵەتی چین قەرزارە.

وێنە گەورەکە: چین لە ڕووی گەشەسەندنی ئابوورییەوە، بە یەکێک لە خێراترین وڵاتەکانی ئاسیا دادەنرێت و گەورەترین قەرزدەری ئاسیایە بۆ وڵاتە کەمداهاتەکان.

ڕاگەیێنراوی فەرمی: بە پێی ڕاپۆرتەکە، سەرەڕای ئەوەی چین یەکێک بووە لەو وڵاتانەی قەرزی وەرگرتووە، بەڵام گەورەترین قەرزدەری وڵاتانی کەمداهات بووە، بە جۆرێک کۆی قەرزە دەرەکییەکانی لە ساڵی 2022دا گەیشتووەتە 180ملیار دۆلار.

زانیاریی زیاتر: هەر بە پێی ڕاپۆرتەکە، کۆی قەرزی دەرەکی عێراق کە لە چینی وەرگرتووە گەیشتووەتە 646ملیۆن دۆلار، واتە عێراق لە نێو وڵاتانی عەرەبی پلەی دووەمی هەیە لە ڕووی قەرزارییەوە.

ئەوەی پێویستە بیزانیت: حکومەتی عێراق لە نیسانی ئەمساڵ ڕایگەیاند، قەرزە دەرەکییەکانی عێراق بۆ هەشت ملیار و 900ملیۆن دۆلار کەم بووەتەوە.