ئەپیكۆر: كۆمپانیاكان بۆ هەناردەکردنەوەی نەوتی کوردستان ئامادەن

ئاڤا نیوز

 

ئەپیكۆر بە بۆنەی سەردانی یاریدەدەری وەزیری دەرەوەی ئەمریكا بۆ عێراق، پەیامێكی بڵاو كردووەتەوە و تێیدا هاتووە، پێویستە دەست بە هەناردەکردنەوەی نەوتی كوردستان بکرێت و کۆمپانیاکانیش ئامادەن.

 

وێنە گەورەكە: دوای سەردانی جێفری پایێت، یاریدەدەری وەزیری دەرەوەی ئەمریكا بۆ وزە، بۆ بەغدا، ئەپیكۆر داوا دەكات پرسی هەناردەكردنەوەی نەوتی كوردستان لە ڕێگەی بەندەری جەیهانەوە چارەسەر بکرێت.

 

ڕاگەیێنراوی فەرمی: کۆمەڵەی پیشەسازیی بەرهەمهێنانی نەوت لە هەرێمی کوردستان ڕایگەیاند: "سەردانی ئەو یاریدەدەرە بۆ عێراق ئاماژەیەكی باشە بۆ دەستکردنەوەی سەركردەكانی هەرێمی کوردستان و عێراق بە گفتوگۆ، ئێمەش ئامادەین بۆ هەناردەكرنەوەی نەوت لەگەڵ گەیشتن بە ڕێككەوتنێك كە دڵنیایی بدرێت لە وەرگرتنی پارەی هەناردەی نەوت".

 

زانیاریی زیاتر: ئەپیكۆر پەرۆشە بۆ چارەسەری کێشەی هەناردەی نەوت لەنێوان هەرێمی کوردستان و عێراق، گوتەبێژەکەشی سەردانەكەی جێفری پایێت بۆ بەغدا و هەولێر بە گرنگ لەقەڵەم دەدات.

 

کاریگەری و لێکەوتەکان: بە هۆی ڕاگرتنی هەناردەی نەوتی کوردستان، ڕۆژانە بازاڕی وزەی جیهان نزیکەی 400هەزار بەرمیل نەوت لەدەست دەدات، ئەمەش بووەتە هۆی بەرزبوونەوەی نرخی نەوت لە جیهان، جگە لەوەش زیانی 14.5ملیار دۆلاری بە عێراق گەیاندووە.