یەكەم كەشتی هاوكاریی ئەمریكا لە بەندەری نوێیەکەی غەززە لەنگەری گرت

ئاڤا نیوز

 

یەکەم كەشتی هاوكاریی ئەمریكا گەیشتە بەندەرە نوێیەكەی غەززە، بەڵام هیچ سەربازێكی ئەمریكا نەچوونەتە سەر خاكەکەی و تەنیا هاوکارییەکان دەگەیێنن.

 

وێنە گەورەكە: بۆ گەیاندنی هاوكاری بۆ دانیشتووانی غەززە، ئەمریكا بەندەرێكی كاتی لە كەرتی غەززە دروستكرد و ئەمڕۆ پێنجشەممە، یەكەم كەشتی گەیاندنی هاوكاریی ئەمریكا گەیشتە كەنارەكە و لەنگەری گرت، چاوەڕوان دەكرێت هاوكاریی بگەیێنێتە خەڵکی غەززە.

 

لێدوانی فەرمی: فەرماندەی ناوەندیی ئەمریكا ڕایگەیاند: "یەكەم كەشتی هاوكاریی ئەمریكا لە بەندەری غەززە لەنگەری گرتووە و سەرجەم سەربازەکان لەنێو كەشتییەكەدا ماونەتەوە، تەنیا هاوكارییەکان دەدەنە خەڵکەکەی".

 

بۆچی گرنگە؟ نەتەوەیەكگرتووەكان و ڕێكخراوە مرۆییەكان چەندین جار نیگەرانیی خۆیان دەربڕیوە، بەهۆی ئەوەی ئیسرائیل ڕێگرە لە گەیاندنی هاوكارییەكان بۆ ناو كەرتی غەززە.