دادگەیکردنی دەمیرتاش بە ئامادەبوونی سەدان کەس لە ئەنقەرە بەڕێوە دەچێت

ئاڤا نیوز

 

دانیشتنی دادگاییکردنی هاوسەرۆکی پێشووی هەدەپە لەسەر "دۆزی کۆبانێ" لە دادگەی باڵای تاوانەکانی ئەنقەرە بەڕێوە دەچێت.

 

وێنە گەورەکە: سەڵاحەدین دەمیرتاش لە دادگەییەکە ئامادە نابێت و بە ئۆنلاین بەشداری دەکات؛ لە کاتێکدا دانیشتنەکە بە ئامادەبوونی 300 پارێزەر، تونجەر بەکرهان، هاوسەرۆکی دەمپارتی و دەستەی سەرۆکایەتیی جەهەپە بەڕێوە دەچێت.

 

ئەوەی پێویستە بیزانیت: بە سەدان لایەنگری دەمپارتی لە بەردەم باڵەخانەی دادگە کۆبوونەوتەوە و چاوەڕێی بڕیاری دادگە دەکەن.

 

زانیاریی زیاتر: ژمارەیەکی زۆر لە هێزە ئەمنییەکان بە تانک و زریپۆشەوە لە ناوچەکە بڵاوەیان پێ کراوە.

 

لەلایەکی دیکەوە: لایەنگرانی ئاکپارتی لەبەردەم باڵەخانەی دادگە، داوای سزادانی دەمیرتاش و هەڤاڵانی دەکەن، بە پێچەوانەی سەرکردەکانی جەهەپە کە بۆ پشتیوانیکردنی دەمپارتی و دەمیرتاش لەوێ ئامادەن.