لەتیف ڕەشید: ئەو گرووپە چەکدارانەی لە وڵاتدا هەن عێراقین نەک ئێرانی

ئاڤا نیوز

 

سەرۆککۆماری عێراق ڕایدەگەیێنێت، هێرشی بەشێک لە گرووپە چەکدارەکان بۆ سەر بنکەکانی ئەمریکا جووڵەی تاکییە و حکومەت پاڵپشتی ناکات.

 

وێنە گەورەکە: پێشتر گرووپە چەکدارەکانی عێراق ڕایانگەیاندبوو، بۆ وەڵامدانەوەی هێرشەکانی ئیسرائیل بۆ سەر کۆنسوڵخانەی ئێران لە دیمەشق، چاوەڕێی فەرمانی خامنەیین، بەڵام سەرۆککۆمار دەڵێت، گرووپەکان عێراقین و ئێرانی نین.

 

لێدوانی فەرمی: لەتیف ڕەشید، سەرۆککۆماری عێراق بە کەناڵی سکای نیوز عەرەبی گوتووە: پەیوەندییەکانمان لەگەڵ ئێران مێژوویی و بەهێزن، هەندێک تۆمەتی دژ بە ئێران ناڕاستن، هەروەها هیچ دەستوەردانێکی سەربازیی ئێران لە کاروباری عێراقدا نییە.

 

زانیاریی زیاتر: سەرۆککۆماری عێراق ئاماژەی بەوەش کردووە، کێشە سنوورییەکانمان لەگەڵ تاران لەڕێگەی گفتوگۆ چارەسەر کراون.