دادگەی فیدراڵی بڕیار لەسەر سکاڵایەکی سەرۆکوەزیران بارزانی لەبارەی هەڵبژاردن دەدات

ئاڤا نیوز

بڕیارە هەفتەی ئایندە دادگەی باڵای فیدراڵیی عێراق دادبینی لەبارەی سکاڵایەکی سەرۆکوەزیران بارزانی بکات کە دژی کۆمسیۆنی باڵای سەربەخۆی هەڵبژاردنەکان تۆماری کردبوو. 

 

ڕاگەیێنراوی فەرمی: دادگەی باڵای فیدراڵیی عێراق لە ڕوونکردنەوەیەکدا دەڵێت: "ڕۆژی یەکشەممە، 19-05-2024 دادگەی باڵای فیدراڵی سەیری ئەو داوایە دەکات کە لەلایەن سەرۆکی حکومەتی هەرێمی کوردستانەوە دژی کۆمیسیۆنی باڵای سەربەخۆی هەڵبژاردنەکان تۆمار کراوە".

 

زانیاریی زیاتر: لە سکاڵاکەدا داوا کراوە "بڕیار لە نادەستووریبوونی ماددەی 2ـی سیستەمی تۆمارکردنی لیستی کاندیدەکان و پەسەندکردنی بۆ هەڵبژاردنی پەرلەمانی کوردستانی عێراق بدرێت کە لەلایەن کۆمسیۆنی باڵای سەربەخۆی هەڵبژاردنەکانەوە دەرچووە. دادگەی باڵای فیدراڵیش بەپێی دەسەڵاتی دادوەری خۆی سەیری ئەو سکاڵایە دەکات".

 

باکگراوند: ڕۆژی چوارشەممەی ڕابردوو، بە بڕیاری ئەنجوومەنی کۆمیسیاران و لەسەر سکاڵای سەرۆکوەزیران بارزانی، سەرجەم ئامادەکارییەکانی بەڕێوەبردنی خولی شەشەمی پەرلەمانی کوردستان ڕاگیرا.