ئەحمەد تورک بە 10 ساڵ زیندانیکردن سزادرا

ئاڤا نیوز

 

ئەحمەد تورک، سیاسەتمەدار و  هاوسەرۆکی شارەوانیی دەمپارتی لە ماردین، بە تۆمەتی ئەندامبوون لە  پارتی کرێکارانی کوردستان سزای 10 ساڵ زیندانی بەسەردا سەپێنرا.

 

وێنە گەورەکە: ئەمڕۆ کاتژمێر 10 ی سەر لە بەیانی، لە دادگەی سزا قورسەکانی سینجان لە ئەنقەرە، دانیشتنی دادگە بۆ بڕیاردان لەسەر چارەنووسی سەڵاحەدین دەمیرتاش و فیگەن یوکسەکداغ، هاوسەرۆکانی پێشووتری هەدەپە و 108 ئەندام و بەرپرسانی هەدەپە بەڕێوەچوو، کە 18ـیان ئێستا لە زینداندان.

 

چی ڕوویدا؟ لەگەڵ ڕاگەیاندنی بڕیارەکە دادگە، ئەوانەی لە هۆڵەکەدا بوون، بە درووشم و چەپڵەلێدان ناڕەزایەتییان دەربڕی.

 

زانیاریی زیاتر: ئەم بڕیارەی دادگەی باڵای تاوانەکانی ئەنقەرە، لەکاتێکدایە کە ئەحمەد تورک، بە ڕێژەی زۆری دەنگەکان شارەوانی ماردینی بردووەتەوە. 

 

باکگراوند: ئەحمەد تورک، لە ماوەکانی ڕابردوودا سێ جاری دیکە بە تۆمەتی جیا جیا، سزای زیندانیکردنی بۆ دەرچووە.