حیزبوڵا هێرشی ئاسمانی دەکاتە سەر کەتیبەیەکی ئیسرائیل

ئاڤا نیوز

 

حیزبوڵای لوبنانی ڕایدەگەیێنێت، هێرشی ئاسمانیان لەڕێگەی درۆنەوە کردووەتە سەر بارەگایەکی نوێی کەتیبەی 411ـی تۆپخانەکانی ئیسرائیل لە ناوچەی جەعتوون.

 

ڕاگەیێنراوی فەرمی: لە هێرشەکەدا چادرەکانی نیشتەجێبوون و شوێنی حەوانەوەی ئەفسەر و سەربازەکانی کەتیبەکە کراونەتە ئامانج، لە ئەنجامدا ژمارەیەک لە ئەندام و ئەفسەرەکانی کەتیبەکە کوژران و برینداربوونە.

 

زانیاریی زیاتر: حیزبوڵا دەڵێت: "ئۆپەراسیۆنەکە وەک پاڵپشتییەک دێت بۆ گەلی فەڵەستین لە غەززە، هاوکات وەڵامێکە بۆ ئەو کوشتارەی کە دوژمن لە دەوروبەری شاری قەنا کردوویەتی".

 

ئەمەش بزانە: لە كاردانەوەی هێرشەكانی ئیسرائیل بۆ سەر ناوچەكانی بێكا لە لوبنان و كوشتنی چەند ئەندامێكی حیزبوڵای لوبنانی، دوێنێ پێنج شەممە حیزبوڵای لوبنان 60 مووشەكی جۆری كاتیۆشای ئاڕاستەی بەرزاییەكانی جۆلان كرد.

 

باکگراوند: لە سەرەتای شەڕی نێوان ئیسرائیل و حەماسەوە، حیزبوڵا و ئسیرائیل بە نزیکەیی هەموو ڕۆژێک یەکدی بۆردوومان دەکەن؛ بەڵام لە چەند هەفتەی ڕابردوودا ئەم گرژییانە زیاتر بوون.