ئیسرائیل و حیزبوڵا یەکدی بۆردوومان دەکەن

ئاڤا نیوز

حیزبوڵای لوبنان ڕایگەیاند، ناوچەیەکی ئیسڕائیلیان بۆردوومان کردووە. ئیسرائیلیش بە بۆردوومان وەڵامی دایەوە.

ڕاگەیێنراوی فەرمی: حیزبوڵا ڕایگەیاند:" ناوچەی (رحیب) مان بۆردومانكردووە و زیانەكان دیارنین.

 

لەلایەكی دیكەوە: سوپای ئیسرائیل ناوچەی كفر كیلەی لە باشووری لوبنان بە چڕی بۆردوومان كرد و زیانی گیانی و ماددی هەیە، میدیاكانی ئیسرائیل و لوبنان باس لەوە دەكەن دەنگی بەرز بیستراوە و زانیارییە سەرەتاییەكان دەڵێن، زیانی گیانی و ماددی هەیە.
 

ئەوەی پێویستە بیزانیت: هەفتەیەكە سوپای ئیسرائیل بە سەختی ناوچەكانی باشووری لوبنان بۆردوومان دەكات، حیزبوڵاش چەند ناوچەیەك لە ئیسرائیل بۆردوومان دەكات.

وێنە گەورەکە: لە حەوتی ئۆکتۆبەری ساڵی ڕابردووەوە کە شەڕی نێوان ئیسرائیل و حەماس دەستیپێکردووە، سنوورەکانی لوبنان و ئیسرائیل نائارامن و هەردوولا بۆردوومانی یەکتر دەکەن، کۆمەڵگەی نێودەوڵەتیش هۆشداری دەدات لە پەرەسەندنی گرژییەکان.