بۆچی سەدر داوا دەكات ڕۆژی غەدیر بكرێتە پشوو؟

ئاڤا نیوز

موقتەدا سەدر، ڕێبەری ڕەوتی نیشتیمانیی شیعە داوا دەکات ڕۆژی غەدیر کە 18ی ئەم مانگەیە لە هەموو عێراقدا بکرێتە پشوو.

چیرۆکی سەرەکی: ئەمڕۆ لایەنگرانی سەدر ڕژانە سەر شەقامەکان و نوێژی هەینییان لەسەر شەقام کرد، مامۆستایی ئایینی داوایان لە عێراقییەکان کرد پشوودرێژ بن و ڕێز لە سەرجەم پێکهاتەکانی عێراق بگیردرێت، سەدریش داوای کرد ڕۆژی غەدیر بکرێتە پشوو بۆ سەرجەم عێراق.

ئەوەی پێویستە بیزانیت: ڕۆژی 18ـی زیلحجە کە بە ڕۆژی "غەدیر" ناسراوە، لای شیعە مەزهەبەکان بە ڕۆژێکی پیرۆز دادەنرێت، بانگەشەی ئەوە دەکەن لەم ڕۆژەدا و لە ساڵی 10ـی کۆچی پێغەمبەری ئیسلام، ئیمامی عەلی وەکو شوێنگرەوەی خۆی داناوە.

بۆچی گرنگە: لایەنگرانی سەدر هەڕەشەی ئەوە دەکەن ئەگەر ئەم ڕۆژە نەکرێتە پشوو، بەردەوام دەبن لە خۆپیشاندان و وەک بێڕێزییەک سەیری دەکەن.