یەکەم کاروانی حاجییانی عێراق بەرەو سعودیە بەڕێکران

ئاڤا نیوز  

ئێوارەی ڕۆژی هەینی یەکەم کاروانی حاجییان لە ڕێگەی ئاسمانییەوە بەڕێ کران، بڕیارە ڕۆژی چوارشەممەی ئایندە دەست بە بەڕێکردنی حاجیيان لە ڕێگەی وشکانیشەوە بکرێت.

ڕاگەیێنراوی فەرمی: وەزارەتی ناوخۆی عێراق ڕایگەیاند: ئێوارەی ڕۆژی هەینی یەکەم کاروانی حاجییان لە فڕۆکەخانەی نێودەوڵەتیی بەغداوە بەرەو سعوودیە بەڕێ کران.

ئەوەی پێویستە بیزانیت: پێشتر ڕۆژی 18ی ئایار وەک وادەی ڕۆیشتنی حاجییان لە ڕێگەی ئاسمانییەوە دیاری کرابوو و ڕۆژی 22ی هەمان مانگیش وادەی دەستپێکردنی حەج دەبێت لە ڕێگەی وشکانی.

زانیاریی زیاتر: بڕیارە ڕۆژی 27ـی ئەم مانگە یەکەم کاروانی حاجیيانی هەرێمی کوردستان لە ڕێگەی گەشتی ئاسمانییەوە بەرەو سعوودیە بەڕێ بکەون.