ئەردۆغان بڕیاری لێخۆشبوون بۆ 14 جەنەڕاڵ دەردەكات

ئاڤا نیوز 

بە فەرمانی ڕەجەب تەیب ئەردۆغان ـ سەرۆککۆماری تورکیا، بڕیاری لێخۆشبوون بۆ 14 جەنەڕاڵی کودەتاکەی ساڵی 1997 دەرچوو. 

وێنە گەورەکە: سزای مانەوەی سزادراوان بە پێی بڕگەی 16ی مادەی 104ی دەستوور هەڵوەشێنرایەوە، ئەوەش بەهۆی ڕاپۆرتی پەیمانگەی پزیشکیی دادوەرییەوە کە تێیدا هاتووە "لێخۆشبووان، یا نەخۆشیی درێژخایەنیان هەبوو و یا کەمئەندام و پیر بوون".

زانیاریی زیاتر: حوکمی مانەوەی هەریەک لە جەنەڕاڵەکانی پێشوو چێڤیک بیر، چێتین دۆغان، فەوزی تورکەری، لیوا یڵدرم تورکەر، ئایدان ئەرۆڵ،ئێرۆڵ ئۆزکەسناک، تەمێل ئۆزکایناک، هەڵوەشێنرانەوە.

باکگراوند: کودەتاکەی 28ی شوباتی ساڵی1997بووە هۆی کۆتاییهێنان بە دەسەڵاتی حکومەتی پارتی ڕەفاه و ئیسلامییەکان کە ئەوكات نەجمەدین ئەربەکان سەرۆکوەزیرانی تورکیا بوو.