کۆریای باکوور دان بە تاقیکردنەوە مووشەکییەکانیدا دەنێت

 ئاڤا نیوز

میدیای فەرمیی کۆریای باکوور ڕایگەیاند، سوپای ئەو وڵاتە مووشەکێکی بالیستیی تاکتیکی تاقی کردووەتەوە. 

ئەوەی پێویستە بیزانیت: کیم جۆنگ ئون، ڕێبەری ئەو وڵاتە، لە نزیکەوە چاودێریی تاقیکردنەوەکانی کردووە و بەڵێنی داوە پەرەی زیاتر بە توانا ئەتۆمییەکان بدات.

زانیاریی زیاتر: کۆریای باکوور ڕایگەیاندووە مووشەکە بالیستییەکانی سیستەمێکی دۆزینەوەی سەربەخۆیان لەگەڵدایە، بە هۆیەوە توانایەکی زیاتریان لە وردەکاریی پێکانی ئامانجەکان پێ دەبەخشێت.

وێنە گەورەكە: ئەمریکا لە تاقیکردنەوەکانی کۆریای باکوور نیگەرانە و لەو باوەڕەدایە ئەو وڵاتە سەرەڕای سزا نێودەوڵەتییەکان مووشەک ڕەوانەی ڕووسیا دەکات تا دژی ئۆکراینا بەکاریان ببات. کۆریای باکوور و ڕووسیا ئەم تۆمەتانە ڕەت دەکەنەوە.