سەرۆکایەتیی پەرلەمانی عێراق: هەر پەرلەمانتارێک کێشە دروست بکات ڕەوانەی لیژنەی ڕەوشت دەکرێت

ئاڤا نیوز

سەرۆکایەتی پەرلەمانی عێراق ڕایگەیاند، هەر پەرلەمانتارێک کێشە و پشێوی لە کاتی دەنگدان بۆ هەڵبژاردنی سەرۆکی پەرلەمانی عێراق دروست بکات، ڕەوانەی لیژنەی ڕەوشتی پەرلەمان دەکرێت.

ئەوەی پێویستە بیزانیت: ئێستا سالم عیساوی یەکێک لە بەربژێرەکان بۆ پۆستی سەرۆکی پەرلەمان لەگەڵ فراکسیۆنی دەوڵەتی یاسا لە کۆبوونەوەیەکی داخراودان.

لێدوانی فەرمی: جەواد غەزالی، ئەندامی چوارچێوەی هەماهەنگی ڕایگەیاندووە، هیچ نیازێک نییە بۆ دواخستنی هەڵبژاردنی سەرۆکی پەرلەمانی عێراق و ڕێککەوتن هەیە بۆ یەکلاییکردنەوەی ئەو بابەتە.

لە لایەکی دیکەوە: پەرلەمانتار موعین کازمی، ئەندامی چوارچێوەی هەماهەنگی ڕایگەیاند: دابەشبوون هەیە لەبارەی هەردوو بەربژێرەکە هەندێک لە فراکسیۆنەکان ئەندامەکانیان سەرپشک کردووە.

زانیاریی زیاتر: تیمی چاودێری لەناو پەرلەمان جێگیرکراون بۆ ئەوەی کە بابەتی کڕینی دەنگ ڕوونەدات، سەرۆکایەتی پەرلەمان بڕیاریدا دانیشتنەکەی ئەمرۆ تەنیا بۆ هەڵبژاردنی سەرۆکی پەرلەمان بێت.