شاخەوان عەبدوڵا هۆڵی کۆبوونەوەی پەرلەمانی بەجێ نەهێشتووە

ئاڤا نیوز 

 

ئەندامێکی پەرلەمانی عێراق ڕایگەیاند، شاخەوان عەبدوڵا هۆڵی کۆبوونەوەی پەرلەمانی بەجێ نەهێشتووە، ئەو دەنگۆیانەی لەوبارەیەوە بڵاوکراونەتەوە دوورن لە ڕاستییەوە.

 

بۆچی گرنگە: ئەمڕۆ دەنگدان لەسەر سێ بەربژێر دەکرێت بۆ هەڵبژاردنی سەرۆکی نوێی پەرلەمان و ئامادەبوونی هەموو لایەنەکان گرنگە تا سەرۆکی نوێ بەزوویی دیاریبکرێت کە ماوەی شەش مانگە ئەو پرۆسەیە شکستی هێناوە.

 

ئەوەی پێویستە بیزانیت: هەر لەگەڵ دەستپێکی کۆبوونەوەی پەرلەمان، میدیا عێراقییەکان چەندین دەنگۆیان بڵاوکردەوە لەبارەی بەجێهێشتنی هۆڵی پەرلەمان لەلایەن شاخەوان عەبدوڵا، جێگری دووەمی سەرۆکی پەرلەمانەوە.

 

لێدوانی فەرمی: شوان محەممەد، بڕیاردەری فراکسیۆنی پارتی بە ئاڤا نیوزی گوت: جێگری دووەمی سەرۆکی پەرلەمان هۆڵی پەرلەمانی جێنەهێشتووە و ئەو دەنگۆیانە ڕاست نین.

 

ئەمەش بزانە: کێبرکێکردن بۆ پۆستی سەرۆکی پەرلەمان لەنێوان هەر سێ بەربژێر سالم عیساوی، مەحموود مەشهەدانی و  عامر عەبدولجەبارە.