دادگەی فیدراڵی دادبینی بۆ سکاڵایەکی سەرۆکوەزیران بارزانی دەکات

ئاڤا نیوز

 دادگەی فیدراڵی عێراق سکاڵای سەرۆکوەزیران بارزانی لە کۆمیسیۆنی هەڵبژاردنەکانی عێراق، کورسیی کۆتا و شێوازی بەڕێوەچوونی هەڵبژاردنی کوردستان یەکلایی دەکاتەوە.

وێنە گەورەکە: کۆمیسیۆن هەڵبژاردنی  بەسەر چوار بازنە دابەش کردووە، لە دابەشکردنیدا پشتی بە ژمارەی دەنگدەران بەستووە نەوەک ژمارەی دانیشتووان، لە سکاڵاکەی سەرۆکوەزیران بارزانیدا داواکراوە ئەوە بە نادەستووری دابنرێت و مافی پێکهاتەکان گرەنتی بکرێت.

زانیاریی فەرمی: بە گوێرەی کارنامەی دانیشتنەكە دادبینی بۆ سێ سکاڵا دەكرێت، بڕگەی دووەم پەیوەست دەبێت بە دادبینی بۆ سکاڵای سەرۆکوەزیران بارزانی. 

بۆچی گرنگە: بە یەکلاییکردنەوەی دۆسیەکە، وادەی نوێی بەڕێوەچوونی هەڵبژاردنی خولی  شەشەمی پەرلەمانی کوردستان ڕوون دەبێتەوە.

ئەوەی پێشبینی دەکرێت: چاوەڕوان دەکرێت لە 100 کورسیی پەرلەمانی كوردستان، مافی پێکهاتەکان گەرەنتی بکرێت و لەسەر بنەمای دانیشتووان ڕێژەی کورسیی پارێزگاکان دیاری بکرێت.