ڕاوێژكارێكی سوودانی لەبارەی پەسەندكردنی بودجە بۆ ئاڤا دەدوێت

ئاڤا نیوز  

ڕاوێژکاری سوودانی بۆ کاروباری ئابووری ئاماژە بەوەدەدات، ئەنجوومەنی وەزیران وردبینی لەسەر بودجە دەکات و دوو ماددەی نێو خشتەکە پەسەند دەکات.

وێنە گەورەکە: ئەنجوومەنی وەزیرانی عێراق ئەمڕۆ وردبینی لەسەر خشتەی بودجە دەکات بۆ ئەوەی لەم هەفتەیە بنێردرێتە پەرلەمانی عێراق و پەسەند بکرێت.

لێدوانی فەرمی: مەزهەر محەممەد، ڕاوێژکاری سوودانی بۆ کاروباری ئابووری بە ئاڤا نیوزی گوت: "لە چوارچێوەی جێبەجێکردنی بڕگەی دووەمی ماددەی 77، خشتەی بودجەی گشتیی فیدراڵی لە کۆبوونەوەی ئەنجوومەنی وەزیراندا وردبینی دەکرێت".

ئەوەی پێویستە بیزانیت: ماددەی 77 لە یاسای بودجەی گشتی فیدراڵی ئەنجوومەنی وەزیرانی عێراق پابەند دەکات، دوای تەواوبوونی ساڵی دارایی 2023، خشتەی بودجە بۆ ساڵانی 2024-2025 ڕەوانەی پەرلەمان بکات.