بەهۆی لافاوەوە لە بەرازیل 155 کەس گیانیان لەدەستداوە

ئاڤا نیوز

 

ژمارەی ئەو کەسانەی بەهۆی لافاوەوە لە بەرازیل گیانیان لەدەستداوە، بۆ 155 کەس بەرزبووەتەوە.

ئەوەی پێویستە بیزانیت: بەهۆی بارانبارینی زۆر لە بەرازیل ژمارەی ئەو کەسانەی گیانیان لەدەستداوە بۆ 155 کەس بەرزبووەتەوە، نۆ کەسیش بێسەروشوێن بوون.

ژمارەکان وادەڵێن: ژمارەی بریندارەکان 807 کەسی تێپەڕاندووە و ژمارەی ئەو کەسانەی بەهۆی لافاوەکەوە زیانیان بەرکەوتووە دوو ملیۆن و 300 هەزار کەسی تێپەڕاندووە، ژمارەی ئاوارەکانیش 620 هەزار کەسی تێپەڕاندووە.

زانیاریی زیاتر: 82 هەزار و 666 کەس لە ناوچەی کارەساتەکە ڕزگارکراون و 77 هەزار و 202 کەسیش لە پەناگەدا ماونەتەوە.