ڕوونکردنەوەی دەزگای ئاسایش لەبارەی دەستگیرکردنی ڕۆژنامەنووسێک

ئاڤا نیوز

 

دەزگای ئاسایشی هەرێمی کوردستان ڕایگەیاند، شاكار ستار "تۆمەتبارە" بە ئامادەكردن و پێشكەشكردنی زنجیرە ڕاپۆرتێکی "چەواشەکاری بۆ پەیجێکی نافەرمی" بۆیە دەستگیرکرا.

 

چیرۆکی سەرەکی: شەوی ڕابردوو لە بازگەی کۆیە بێژەر و ڕۆژنامەنووس شاکار ستار کە لە دەزگایەکی میدیایی بەناوی "تیوار" کار دەکات، لە کاتی گەڕانەوەی لە سلێمانییەوە بۆ هەولێر و لە بازگەی "ئاشتی" کۆیە لەلایەن هێزێکی ئەمنییەوە دەستگیرکراوە.

 

ڕاگەیێنراوی فەرمی: دەزگای ئاسایشی هەرێمی کوردستان ڕایگەیاند:"ئەو کەسە کاری ئامادەکردن و پێشکەشکردنی بۆ چەند زنجیرە ڕاپۆرتێکی ناڕاست و چەواشەکار بۆ پەیجێکی نافەرمی کردووە".

 

ئەوەی پێویستە بیزانیت: دەستگیرکردنی ئەم ڕۆژنامەنووسە لەکاتێکدایە کە قوباد تاڵەبانی لە سێی ئایاری ئەمساڵ، لە ڕۆژی جیهانیی ئازادیی رۆژنامەگەری ڕایگەیاند "بەرگریکردن لە ئازادیی ڕۆژنامەگەری، یەکێکە لە پرەنسیپە نەگۆڕەکانی ژیانی سیاسیم و بەمزووانە لە سلێمانی مۆنیۆمێنتی پارێزەرانی حەقیقەت بۆ ڕۆژنامەنووس دروست دەکەین".