پەیامی هاوخەمی سەرۆکوەزیرانی عێراق دوای گیانلەدەستدانی سەرۆککۆماری ئێران

ئاڤا نیوز

 

بەبۆنەی گیان لەدەستدانی سەرۆکۆمار و وەزیری دەرەوە، سەرۆکوەزیرانی عێراق لە پەیامێکدا سەرەخۆشی و هاوخەمی ئاڕاستەی عەلی خامنەیی و حکومەت و گەلی ئێران دەکات.

 

چیرۆکی سەرەکی: ئێوارەی ڕۆژی یەکشەممە 19-05-2024 هێلیکۆپتەری ئیبراهیم ڕەئیسی لە کاتی گەڕانەوەی بۆ تاران، لە خاڵێکی سنووریی تەورێز بەهۆی "خراپیی کەشوهەوا" ونبوو و دوای 18 کاتژمێر لە گەڕان، هێلیکۆپتەرەکە بە تێكشکاوی دۆزرایەوە و سەرۆککۆمار و یاوەرەکانیشی گیانیان لەدەست دا. 

پەیامی هاوخەمی: بەم بۆنەیەوە محەممەد شیاع سوودانی، سەرۆکوەزیرانی عێراق ڕایگەیاند: "بەداخ و پەژارەیەکی زۆرەوە هەواڵی گیانلەدەستدانی سەرۆککۆماری ئێران و وەزیری دەرەوە و هاوەڵەکانیان بە ئێمە گەیشت، لە ئەنجامی تێکشکانی فڕۆکەکەیان لە باکووری ئێران".

 

زانیاریی زیاتر: سوودانی سەرەخۆشی و هاوخەمی ئاراستەی عەلی خامنەیی ڕێبەری کۆماری ئیسلامی و حکومەت و گەلی ئێران دەکات، دەڵێت: "هاوسۆزیی خۆمان لەگەڵ گەلی ئێران و بەرپرسانی نیشان دەدەین بەهۆی ئەو کارەساتە بە ئازارە".