ڕووسیا هەڕەشە لە فەرەنسا دەکات

ئاڤا نیوز

بەرپرسێکی وەزارەتی درەوەی ڕووسیا هەڕەشەی وەڵامدانەوەی فەڕەنسا دەکات، لە ئەگەری ناردنی سەرباز بۆ ئۆکراینا وەڵامدانەوەیان تەنیا سیاسی نابێت. 

 

بۆچی گرنگە: بە ناردنی هێزی فەرەنسا بۆ ئۆکراینا، هاوسەنگی توانای سەربازیی ئۆکراینا لە ڕووسیا نزیک دەبێتەوە.

 

لێدوانی فەرمی: ئارتیۆم ستودنیکۆڤ، سەرۆکی بەشی ئەوروپی وەزارەتەکە دەڵێت:  ئەگەر فەرەنسا هێز بۆ ئۆکراینا بنێرێت، وەڵامدانەوەمان تەنیا سیاسی نابێت.

 

زانیاریی زیاتر: ستودنیکۆڤ، ئاماژەی بەوە نەکردووە کە ڕووسیا چ ڕێکارێک دەگرێتەبەر لە ڕووداوێکی لەو شێوەیەدا.

 

باکگراوند: ئیمانوێل ماکرۆن، سەرۆکی فەرەنسا لەم دواییانەدا ئامادەیی خۆی بۆ ناردنی هێز بۆ ئۆکرانیا دووپاتکردەوە و گوتی، ئەگەر مۆسکۆ بچێتە ناو "هێڵەکانی پێشەوە" و ئەگەر کیێڤ داوای بکات، پێویستە ئەم بابەتە "بوروژێنرێت".