لە بەریتانیا وادەی هەڵبژاردنی پێشوەختە دیاری کرا

ئاڤا نیوز

 

سەرۆکوەزیرانی بەریتانیا وادەی بەڕێوەچوونی هەڵبژاردنە گشتییەکانی ئەو وڵاتەی دیاری کرد.

 

لێدوانی فەرمی: ڕیشی سوناک، سەرۆکوەزیرانی بەریتانیا لە پارتی پارێزکاران ڕایگەیاند: "شای بەریتانیا ڕەزامەندیی لەسەر هەڵوەشانەوەی پەرلەمان دەربڕیوە و هەڵبژاردنەکانیش ڕۆژی چواری تەممووز بەڕێوە دەچن".

 

زانیاریی زیاتر: پارتی کرێکارانی ئۆپۆزیسیۆن بە بڕیارەکە خۆشحاڵە، بەو پێیەی بە گوێرەی ڕاپرسییەکان لە پێشەوە دەبێت. پارتەکە ڕایگەیاندووە، "دوای 14 ساڵ ئێستا کاتی گۆڕانکارییە".

 

بۆچی گرنگە؟ لەسەر بنەمای ئەنجامی هەڵبژاردنەکان حکومەتێکی نوێ بۆ بەریتانیا دادەمەزرێت.