لیستی مووچەی مانگی چواری هێزە ئەمنییەکان ڕەوانەی فەرمانگەی ژمێریاریی عێراق کراوە

ئاڤا نیوز

 

سەرچاوەیەک لە وەزارەتی دارایی هەرێمی کوردستان ئاشکرای دەکات، لیستی مووچەی هێزە ئەمنییەکان لە فەرمانگەی ژمێریاریی عێراقە و هەموو پێداچوونەوەیەکی بۆ کراوە، بە زارەکی و نووسراویش پێیان نەگوتراوە بۆ مووچەکە نانێرن.

 

بۆچی گرنگە: هەرێمی کوردستان مانگانە لیستی ناوی مووچەخۆران بە وردەکارییەوە ڕەوانەی بەغدا دەکات، بۆ ئەوەی گرفت بۆ دواکەوتنی مووچە دروست نەکەن.

 

لێدوانی فەرمی: سەرچاوەیەک لە وەزارەتی دارایی بە ئاڤا نیوزی ڕاگەیاند: "لیستی مانگی چواری هێزە ئەمنییەکان چووەتە فەرمانگەی ژمێریاری بۆ ئەوەی پارەدار بکرێت، هیچ شتێکی فەرمیمان بە نووسرا و یان زارەکی پێ نەگوتراوە کە بۆ پارە نانێرن". 

 

لەلایەکی دیکەوە: لە چەند ڕۆژی ئایندە، لیستی مانگی پێنج تەواو دەبێت و ڕەوانەی بەغدا دەکرێت، هاوکات لیستەکان بە هەمان شێوەی پێشوو و بە پلەبەرزکردنەوەوە ڕەوانە دەکرێن.