پێشنیازەکەی سەرۆکوەزیران بارزانی لەبارەی ڕێگەی گەشەپێدان واژۆ کرا

ئاڤا نیوز 

 

لە دوای پێشنیازی سەرۆکوەزیران بارزانی، وەزارەتی گواستنەوەی هەرێمی کوردستان و عێراق لەبارەی پێشنیازەکەی ڕێگەی گەشەپێدان گفتوگۆیان کرد و کۆنووسی پێشنیازەکەیان پەسەند کرد.

 

بۆچی گرنگە: دوای تەواوبوونی پڕۆژەی ڕێگەی گەشەپێدان دەتوانرێت، ساڵانە 22 ملیۆن تۆن لەو ڕێگەیە بگوازرێتەوە، 117 کیلۆمەتری لە نێو خاکی هەرێمی کوردستانە کە لە مووسڵەوە دەگاتە دهۆک و سێمێل و پاشان لە خاڵی سنووری قەرەوڵەوە دەگاتە ئۆڤۆکۆی خاکی تورکیا.

 

وێنە گەورەکە: ڕێگەی گەشەپێدان یەكێک لە پڕۆژە ستراتیژییە گرنگەكانی عێراقە و بەنێو تورکیا تێپەڕ دەبێت، ڕۆژهەڵاتی ناوەڕاست بە ئەوروپا دەبەستێتەوە.

 

لێدوانی فەرمی: ئانۆ جەوهەر، وەزیری گواستنەوە و گەیاندنی حکومەتی هەرێمی کوردستان ڕایدەگەیێنێت، پێشنیازەکەمان لەلایەن عێراق جێبەجێ کراوە و ڕێگەی گەشەپێدان بە هەرێمی کوردستان تێپەڕ دەبێت.