بەهۆی بەرفراوانی ئاگرەکەی گوندی مورتکە ڕێگەی کەرکووک - هەولێر داخرا

ئاڤا نیوز 

 

بەهۆی تەشەنەسەندن و بەرفراوانی ئاگری کارگەیەکی غاز لە مورتکە ڕێگەی کەرکووک - هەولێر داخرا، بەپێی زانیارییە سەرەتاییەکانیش بەهۆی ئاگرەکە سێ کەس بریندارن.  

 

چیرۆکی سەرەکی: ئێوارەی ڕۆژی پێنجشەممە، 23-05-2024 ئاگر لە کێڵگەی غازی نەورۆز لە گوندی مورتکە سنووری هەولێر کەوتەوە، بووە هۆی زەرەرێکی زۆری ماددی و سێ کەسیش بریندار بوون.

 

لێدوانی پەیامنێر: ڕزگار کۆچەر، پەیامنێری ئاڤا نیوز ڕایگەیاند: بەهۆی مەترسیی تەقینەوەی تانکەکان و تەشەنەسەندنی ئاگرەکەی کارگەی غازی نەورۆز لە مورتکە، ڕێگەی کەرکووک - هەولێر داخرا.

 

زانیاریی زیاتر: تیمەکانی بەرگریی شارستانی کە لە چەند تیمێک پێکهاتوون خەریکی کۆنترۆڵکردنی ئاگرەکەن، بەڵام تاوەکو ئێستا کۆنترۆڵ نەکراوە.