له‌ چه‌ند ناوچه‌یه‌کی عێراق سەرژمێری دەستپێدەكات

ئاڤا نیوز

عێراق لە چەند ناوچەیەک سەرژمێری دەکات، ئەمەش وەک تاقیکردنەوە  و ئامادەکاری دەبێت بۆ سەرژمێری گشتیی دانیشتووان.

وێنە گەورەکە:وەزارەتی پلاندانانی عێراق ڕۆژی 24-11-2024، دیاریکردووە بۆ بەڕێوەچوونی سەرژمێری گشتیی دانیشتووان لە سەرجەم پارێزگاکانی عێراق بە هەرێمی کوردستانیشەوە.

لێدوانی فەرمی: عەلی عه‌ریان، بەڕێوەبەری گشتیی سەرژمێری لە عێراق ڕایگەیاند: کۆتایی ئه‌م مانگه‌ سەرژمێری له‌ چه‌ند ناوچه‌یه‌ک دەکرێت، وه‌ک تاقیکردنه‌وه‌ و ئامادەکاری بۆ سه‌رکه‌وتنی پرۆسه‌که‌، پاشان لێکۆڵینەوە دەکرێت لەو کێشانەی ڕووبەڕوویان دەبێتەوە  بۆ ئەوەی چاره‌سه‌ری بکەن.

ئەوەی ئێستا ڕوودەدات: چوار کۆمپانیای جیهانی بۆ جێبەجێکردنی سەرژمێرییەکە بەمەبەستی ئامادەکردنی سەنتەری داتا و پەیوەندی و ئەپڵیکەیشن و تابلێتەکان گرێبەستیان لەگەڵ وەزارەتی پلاندانانی عێراق کردووه‌.

ئەمەش بزانە: دوایین سەرژمێری دانیشتوانی عێراق،  ساڵی 1997 کراوە،  کە ئەو کات ژمارەی دانیشتوانی عێراق 22.33 ملیۆن کەس بووە.