پێشنیازە یاسایەک بۆ بەخشینی ئەندامانی جەستە کاردانەوەی لێدەکەوێتەوە

ئاڤا نیوز

دوای ئاشکرابوونی هەوڵێکی پەرلەمانی عێراق بۆ ده‌رکردنی یاسایەک، کە لەژێر پاساوێکی یاساییدا ڕێگە بە بەخشینی ئەندامانی جه‌سته‌ی مرۆڤ ده‌دات، هەوڵەکە کاردانەوەیه‌کی زۆری لێکه‌وته‌وه.

وێنە گەورەکە: بەپێی ئامارە فەرمییەکانی بەڕێوەبەرایەتیی بەرەنگاربوونەوەی بازرگانیکردن بە ئەندامەکانی جه‌سته‌ی مرۆڤ، ئه‌و دیارده‌یه‌ له‌ پارێزگاکانی باشووری عێراق ڕوو لە زیادبوونە.

لێدوانی فەرمی: نیدا ناسر، چالاکوانی مافی مرۆڤ به‌ ئاڤا نیوزی گوت: "بازرگانیکردن بە مرۆڤەوە تەنیا لە ژنان و منداڵاندا سنوردار نییە، بەڵکو گەنجانیش دەگرێتەوە و هه‌ندێک جار کرێکارە ئاسیاییەکانیش توشی ئه‌و نه‌هامه‌تییه‌ ده‌بن".

ئەوەی پێویستە بیزانیت: بەرێوەبەرایەتی بەرەنگاربوونەوەی بازرگانیکردن بە مرۆڤەوە دەستگیرکردنی دوو گرووپی نێودەوڵەتیی ئاشکرا كرد کە پێکهاتبوون لە 40 كەس و تێوەگلاون لە تاوانی ڕفاندن وبازرگانیکردن بە مرۆڤه‌وه.

ژمارەکان وا دەڵێن: لە ساڵی ڕابردوو 636 کەس بە تاوانی بازرگانیکردن بە مرۆڤەوە دەستگیرکراوان 252 تاوانبار سزای قورس دراون و 204 قوربانی به‌فه‌رمی له‌سه‌رانسه‌ری عێراق تۆمارکراون.  

 

گۆشەیەکی دیکەی دیمەنەکە: له‌ ئه‌گه‌ری ده‌رچوونی یاساكه‌ دەتوانرێت بە ئاشکرا  بەخشەر  فۆڕمێک پڕبکاتەوە و ئارەزوومەندانە دەستبەرداری یەکێک لە ئەندامەکانی جه‌سته‌ی خۆی ببێت.