کۆنسوڵی گشتیی قەتەر لە هەولێر دەستبەكار دەبێت

ئاڤا نیوز

حسێن عەلی ئەلفەزالە کۆنسوڵی نوێی قەتەر، رۆژی یەکشەممەی داهاتوو  لەهەولێر دەست بەکاردەبێت.

ئەوەی پێویستە بیزانیت: شاندێکی وەزارەتی دەرەوەی قەتەر کە ئەمینداری گشتی وەزارەتی دەرەوەی قەتەر سەرپەرشتی دەکات، لەگەڵ چەند بەرپرسێکی دیکەی وەزارەتی دەرەوەی وڵاتەکە گەیشتنە فرۆکەخانەی نێودەولەتی هەولێر و لەلایەن سەفین دزەیی بەرپرسی فەرمانگەی پەیوەندییەکانی دەرەوەی هەرێمی كوردستان و باڵیۆزی قەتەر لەبەغدا پێشوازییان لێ کرا.

بابەتی ستراتیژی: سەردانەکە بەمەبەستی برەودان بە پەیوەندییە دیپلۆماسی و ئابووری و بازرگانییەکانی نێوان دەوحە و هەولێرە.

زانیاریی زیاتر: شاندەکەی قەتەر لەڕێورەسمێکدا کۆنسوڵخانەی گشتی قەتەر لەهەولێر دەکەنەوە، بڕیاریشە چەند دیدارێک لەگەڵ بەرپرسانی باڵای هەرێمی کوردستان بكەن و رۆژی دووشەممە دەگەرێنەوە دەوحە.