لە مانگێکدا 42 كەس بە تۆمەتی گەندەڵی لە عێراق دەستگیر كراون

ئاڤا نیوز

 

دەستەی دەستپاكیی عێراق دەڵێت، لە ماوەی مانگێکدا 42 كەس بە تۆمەتی گەندەڵی دەستگیر كراون و فەرمانی دەستگیركردنیش بۆ زیاتر لە 200 كەس دەرچووە.

 

وێنە گەورەكە: عێراق یەکێکە لەو وڵاتانەی بەدەست گەندەڵییەوە دەناڵینێت و بەپێی ئاماری ڕێکخراوی شەفافیەتی نێودەوڵەتی لەکۆی 180 وڵات، عێراق لە پلەی 154هەمین وڵات دێت بۆ گەندەڵترین وڵاتانی جیهان.

 

ئەوەی پێویستە بیزانیت: دەستەی دەستپاكیی عێراق مانگانە ئاماری كارە گەندەڵییەكان و ئەو كەسانەی كە گەندەڵیان كردووە، بڵاو دەكاتەوە.

 

ژمارەكان وا دەڵێن: بەپێی ئەو ئامارەی كە دەستەی دەستپاكی عێراق بۆ مانگی نیسان بڵاویكردووەتەوە، 42 كەس بەتۆمەتی گەندەڵی دەستگیركراون و زیاتر لە 200 كەسیش فەرمانی دەستگیركردنیان بۆ دەرچووە.

 

زانیاریی زیاتر: بەپێی بەڵگەنامەكانی دەستەكە، تەنیا لە مانگی چواردا 124 بەڵگەنامەی سەرەتایی دەستی بەسەردا گیراوە.