نێچیرڤان بارزانی: جه‌خت له‌ لێكتێگه‌یشتنی هاوبه‌ش و پێكه‌وه‌یی ده‌كه‌ینه‌وه

ئاڤا نیوز‌

سەرۆکی هەرێمی کوردستان، لە ساڵوەگەڕی شۆڕشی گوڵاندا جەخت لە كار و لێكتێگەیشتنی هاوبەش و پێكەوەیی دەكاتەوە.

وێنە گەورەکە:ڕێککەوتی 26ـی 48ـەمین ساڵوەگەڕی هەڵگیرسانی شۆڕشی گوڵانە، بەو بۆنەیەوە سەرۆکی هەرێمی کوردستان لە پەیامێکدا شۆرشی گوڵان وەک هه‌ستانه‌وه‌یه‌كی شكۆمه‌ندانه‌ی میلله‌تێك وەسف دەکات.

پەیامی فەرمی: له‌ شۆڕشی گوڵاندا، گه‌لی كوردستان سه‌لماندی كه‌ هه‌رگیز كۆڵ نادات، په‌یام و ئامانجی شۆڕشی مه‌زنی ئه‌یلوول به‌ ڕابه‌رایه‌تیی بارزانیی نه‌مر تا سه‌ركه‌وتن به‌رده‌وامه‌، كۆبوونه‌وه‌ی هێز و لایه‌نه‌كانی كوردستان به‌ ده‌وری ئامانجێكی باڵاوه‌، به‌رهه‌می شۆڕشی گوڵان بوو كه‌ له‌ كۆتاییدا ڕاپه‌ڕینی ئازاری 1991ی سه‌رخست و ئازادی و فیدراڵی و قه‌واره‌ی ده‌ستووریی هه‌رێمی كوردستانی به‌دوا هات. سەرۆکی هەرێمی کوردستان وا دەڵێت.

زانیاریی زیاتر: "جه‌خت له‌ كار و لێكتێگه‌یشتنی هاوبه‌ش و پێكه‌وه‌یی ده‌كه‌ینه‌وه‌ كه‌ ئێستا و داهاتوویه‌كی باشتر بۆ گه‌لی كوردستان مسۆگه‌ر ده‌كات".