کۆميسیۆن ئامادەکارییەکانی هەڵبژاردنی پەرلەمانی کوردستان تەواو دەکات

ئاڤا نیوز 

پێش ئەوەی وادەیەکی نوێ بۆ هەڵبژاردنەکانی پەرلەمانی کوردستان دیاری بکرێت، کۆمیسیۆنی هەڵبژاردنەکانی عێراق ئامادەکارییەکانی خۆی بۆ بەڕێوەبردنی هەڵبژاردنەکە تەواو کردووە.

وێنە گەورەکە: هەفتەی ڕابردوو پەرلەمانی عێراق تەمەنی کۆمیسیۆنی باڵای سەربەخۆی هەڵبژاردنەکانی عێراقی بۆ شەشی کانوونی دووەمی ساڵی داهاتوو درێژکردەوە، ئەمەش دەرفەت دەدات بۆ ئەوەی هەڵبژاردنی پەرلەمانی کوردستان بۆ کاتێکی دیکە لەم ساڵەدا دیاری بکرێت.

لێدوانی فەرمی: "هەموو ئامادەکارییەکان تەواوکراون سەبارەت بە هەڵبژاردنی پەرلەمانی کوردستان تەنیا چاپکردنی کاغەزی هەڵبژاردن ماوە و چاوەڕێ دەکەین وادەیەکی نوێی هەڵبژاردن دیاری بکرێت". حەسەن زایر، ئەندامی تیمی ڕاگەیاندنی کۆمسیۆنی هەڵبژاردنەکانی عێراق وای گوت.

ئەوەی پێویستە بیزانیت: 10-06-2024 دیاری کراوە بۆ ئەنجامدانی هەڵبژاردن، بەڵام لەبەر تێبێنی پارتی و پێکهاتەکان لەسەر کورسی پێکهاتە، پەنجەمۆری دەنگدەران و کەمکردنەوەی کورسیی پەرلەمان بۆ 100 کورسی، هەڵبژاردنەکە بۆ کاتێکی دیکە دوا دەخرێت.